ගස්ලබු හෙවත් පැපොල් ගෙඩි යනු එක් සෘතුවකට සීමා නොවී වසර පුරා අපට ලබාගත හැකි පලතුරකි. මෙම පලතුරේ පෝෂ්‍ය පදාර්ථ බහුලව අඩංගු වේ. මෙය අපගේ සෞඛ්‍යයට බොහෝ ප්‍රතිලාභ ලබා දෙයි. උදෑසන පැපොල් ආහාරයට ගැනීමෙන් බොහෝ සෞඛ්‍ය ප්‍රතිලාභ ලබා ගත හැකි බව පෝෂණවේදීන් පවසයි. පැපොල් ආහාරයට ගැනීමෙන් ආහාර ජීර්ණ ශක්තිය වැඩි වන අතර ශරීරයේ ශක්ති මට්ටම් ඉහළ යයි. සෑම අතින්ම නීරෝගී වේ.
එබැවින් උදෑසන ආහාරය සමඟ පැපොල් ආහාරයට ගත යුතු යැයි වෛද්‍ය විශේෂඥයො නිර්දේශ කරති. මෙමගින් බොහෝ ප්‍රතිලාභ ලබා ගත හැකි බව ඔවුහු පවසති.
දිනපතා එක් කෝප්පයක් පමණ ප්‍රමාණයක පැපොල් කැබලි ආහාරයට ගත යුතු බව ඔවුහු පවසති. මෙම පලතුරේ පැපේන් නම් එන්සයිමයක් අඩංගු වේ. එය අපි ආහාරයට ගන්නා ප්‍රෝටීන ජීර්ණය කිරීමට උපකාරී වේ. මෙමගින් ආහාර ජීර්ණය වැඩිදියුණු වේ. මෙම පලතුරේ තන්තු සහ ජල ප්‍රමාණය අධික වශයෙන් අඩංගු වේ. මේවා මලබද්ධය වළක්වයි. ආහාර ජීර්ණ පද්ධතිය සෞඛ්‍ය සම්පන්න කරයි. මෙමගින් දිනපතා පහසුවෙන් මලපහ කිරීමට හැකි වේ. මලබද්ධ ගැටලුවෙන් සහනය ලැබේ. පැපොල් වල විටමින් සී අධික ලෙස අඩංගු වේ. එය ප්‍රතිශක්තිකරණ පද්ධතිය ශක්තිමත් කරයි.
මෙමගින් ශරීරය ආසාදනවලට එරෙහිව සටන් කරයි. රෝගවලින් අප ආරක්ෂා කරයි. පැපොල් ආහාරයට ගැනීමෙන් ලැබෙන විටමින් සී කැස්ස, සෙම්ප්‍රතිශ්‍යාව, උණ වැනි රෝගවලින් අප ආරක්ෂා කරයි.
පැපොල් වල තන්තු අධික ලෙස අඩංගු වේ. එබැවින් එය උදෑසන ආහාරයට ගැනීමෙන් බොහෝ යහපත් ප්‍රතිඵල ලැබේ. දිගු වේලාවක් බඩගිනි නොදැනී පවතී. මෙමගින් ආහාර අඩුවෙන් ගැනීමට පෙලඹෙන අතර එය බර අඩු කිරීමට උපකාරී වේ. පැපොල් වල ප්‍රතිඔක්සිකාරක, විටමින් ඒ සහ ඊ අධික ලෙස අඩංගු වේ. මේවා ශරීරයේ නිදහස් මූලක විනාශ කරයි. මෙමගින් සම් සෛල හානි වීම වළක්වයි. නිතර පැපොල් ආහාරයට ගැනීමෙන් සමේ දීප්තිය වැඩි වේ. කුරුලෑ අඩු වේ. වයස්ගත පෙනුම අඩු කර ගත හැකිය. මෙමගින් තරුණ පෙනුමක් ලබා ගත හැකි අතර අලංකාර වේ.
පැපොල් වල පොටෑසියම් අධික ලෙස අඩංගු වේ. එමෙන්ම ප්‍රතිඔක්සිකාරක ද අධික ලෙස අඩංගු වේ. මේවා රුධිර පීඩනය පාලනය කරයි. මෙමගින් ශරීරයේ රුධිර සැපයුම වැඩි දියුණු වේ. හෘදය නීරෝගී වේ. ශරීරයේ ඇති වන ඉදිමුම් අඩු වේ. විශේෂයෙන් සන්ධිවාත වේදනාවෙන් සහනය ලැබේ. මෙම පලතුරේ අඩු ග්ලයිසමික් දර්ශකයක් ඇත. එබැවින් දියවැඩියාව ඇති අය මෙම පලතුරු නිර්භයව ආහාරයට ගත හැකිය. මෙම පලතුරේ අඩංගු තන්තු සීනි මට්ටම් අඩු කිරීමට උපකාරී වේ. මෙලෙස උදෑසන ආහාරයේ කොටසක් ලෙස පැපොල් ආහාරයට ගැනීමෙන් බොහෝ සෞඛ්‍ය ප්‍රතිලාභ ලබා ගත හැකිය.
0 Comments